Qazaqstan erler ulttyq quramasynyń Parıjdegi Olımpıada oıyndaryndaǵy tómen nátıjesine baılanysty quramanyń jattyqtyrýshylar shtabynyń birneshe múshesi qyzmetinen bosatylǵany týraly aqparat áleýmettik jelilerde jarıalandy.
Málimetke sáıkes, qyzmetinen bosatylǵandar arasynda Qazaqstan boks federasıasynyń vıse-prezıdenti Ázız Qojambetov, bas bapker Myrzaǵalı Aıtjanov, aǵa jattyqtyrýshy Marat Jakıev jáne jattyqtyrýshylar – Núrken Andasov, Nurjan Nasanov, Ǵanı Áshkeev, Ermek Ertaev, Talǵatbek Jaqpekov, Zákir Safıýlın, Azamat Maqajanov, Jámil Júsip; jattyqtyrýshy-keńesshi – Donatas Ianýsevıchýs bar.
Kóp uzamaı Qazaqstan boks federasıasy ázirge eshkimdi jumystan shyǵarǵan joqpyz dep jaýap berdi.
«Bul aqparat shyndyqqa janaspaıdy. Ázirge eshkimdi jumystan shyǵarǵan joqpyz. Ózgerister bolady. Bul jóninde resmı habarlaımyz», - dep jazdy Qazaqstan boks federasıasy.