Bul jaıynda islam.kz portaly CNBC aqparat kózine silteme jasaı otyryp habarlaıdy.
Kún energıasynyń shapshań ári qarqyndy ósýine iri tehnologıalyq kompanıalardyń bul salaǵa molynan qarjy quıýy sebep bolǵan. Olar ǵalamdyq ınternet pen jasandy zerde qoldanbalaryn qýattaıtyn derekter ortalyqtaryn taza energıamen qamtamasyz etýge tyrysady, dep habarlaıdy aqshamnews.kz.
Álemge áıgili Amazon, Microsoft, Meta Platforms jáne Google-dyń ózi Amerıka qurama shtattarynda qolǵa alynǵan iri kún energıasy jobalaryna suranystyń 40 paıyzyn qurady. Sońǵy bes jylda. Jańǵyrtylatyn energıa kózderiniń damýyna sońǵy ýaqytta olardy óndirý baǵasynyń arzandaýy da yqpal etip otyr. Advancing Clean Technology Manufacturing kompanıasy buǵan deıin taza energıaǵa degen jahandyq ınvestısıa 2023 jyly 200 mıllıard dollarǵa deıin ósip, bir jyl ishinde 70 paıyzdan astam óskenin habarlady. Fotoelektrlik modýlderdi óndirýge ketetin shyǵyndar eki eseden asqan. Osy oraıda Úndistannyń Adani Group kompanıasy 2026 jylǵa qaraı kún batareıalarynyń óndirisin 150 paıyzǵa arttyrýdy josparlap otyrǵanyn aıta ketpekpiz.
Bul jospar óz kezeginde atalǵan eldiń osy saladaǵy Qytaıǵa táýeldiligin azaıtyp, kómirteginen ada memleketke aınalýǵa qol jetkizýge kómektesýi kerek. Bloomberg agenttiginiń jazýynsha, konglomerat qazirgi tórt gıgavatttan jyl saıyn on gıgavatt kún energıasyn óndirýge múmkindik beretin qural-jabdyq shyǵarýdy maqsat etip otyr. Kompanıa aldyna qoıǵan maqsatyna sáıkes Parıjden bes ese úlken jańartylatyn energıa parkteriniń biri salynady. Adani Group aldaǵy on jylda jańartylatyn energıa kózderine (JEK) 100 mıllıard dollar ınvestısıa mólsherinde qarjy quıady.