QR Halyq ártisi Bıbigúl Tólegenova Dınara Sátjanǵa bergen suhbatynda Dinmuhammed Qonaevqa qatysty esteligin bólisti.
«Dinmuhammed Qonaevpen ol bılikten ketip qalǵan kezde aralastym. Áıeli qaıtys bolǵan kez edi. Úıinde jalǵyz turatyn. Basynan aýyr kezeń ótip jatty. Onyń úıinde kúzet boldy. Segizge deıin ǵana kelýge bolatyn. Odan keıin kirgizbeıtin. Ábden ishi pysqan bolýy kerek. Birde maǵan qońyraý shalyp, "Bıbigúl, qyzym sen boıdaqtardyń shaıyn ishkiń kelmeıdi me?" dedi. Dál sol kezde konsertten endi kelgenmin. "Ýaqytyń bolsa, jarty saǵatqa bolsa da kirip shyqshy" dep shaqyrdy. Qyzmette bolǵanda óte uqypty kıinetin kisi edi. Biraq ol úıinde qarapaıym adam. Birge otyryp shaı iship, kóp áńgimelesetin edik. Shaı iship otyrǵan kezde maǵan "eshqashan eshkimdi jamandama, eshkim týraly jaman sóz aıtpa" dedi. "Aǵa, ondaı meniń oıymda joq" dedim. "Sonda da esińe salyp jatqanym ǵoı. Aıtsań jaqsy jaǵyn aıt, bolmasa úndeme" deıtin. Olaı nege aıtqanyn aqyry bilmeı kettim», - dedi ol.