Kedendik baqylaý
2019 jyldan 2022 jyldyń shildesine deıin, úsh jyl ýaqyt ishinde Qazaqstanǵa úshinshi elderden 121 829 avtokólik ýaqytsha ákelingen, dep habarlaıdy Almaty-akshamy.kz.
Memlekettik kirister komıtetiniń málimetinshe, Eýrazıa ekonomıkalyq odaǵynyń keden aýmaǵyna úshinshi elderden ýaqytsha ákelingen kólik quraldary - sheteldik taýar sanalady jáne kedendik baqylaýda bolady.
Bul jerde úshinshi elder degenimiz - EAEO quramyna kirmeıtin memleketter.
Kedendik tazartýdan soń jáne sáıkesinshe tıesili kedendik alym-salyqtardy tólegen soń ǵana ýaqytsha ákelingen kólikti satyp alýǵa jáne Qazaqstan aýmaǵynda paıdalanýǵa bolady.
Ýaqytsha ákelý merzimi – 1 jyl.
Kedendik tazartý tártibi týraly aqparatty turǵylyqty jerinde memlekettik kirister organdarynan bilýge bolady.
Eske sala keteıik, Prezıdent Qasym-Jomart Toqaev búgingi Joldaýynda 1 qyrkúıekke deıin elge kirgizilgen avtokólikterge qatysty málimdeme jasady.
Memleket basshysy Qazaqstanǵa zańsyz kirgizilgen kólikterdi tirkeý úshin birjolǵy sheshim jasaýdy usyndy.
«Avtokólik satyp alý kezinde tólenetin alym-salyq máselesine jeke toqtalaıyn. Keıbir jaqyn shetelderden ákelingen avtokólikterge qatysty túıtkilder barshaǵa málim. Zań aıasynan tys qalyp otyrǵan mundaı kólikter qoǵamdyq qaýipsizdikke qater tóndirýde. Zańsyz kólik ákeletin amal-tásildiń bárine tosqaýyl qoıý úshin batyl sharalar qabyldaý qajet», - dedi Memleket basshysy.