Almaty oblysynyń polısıasy balalar úıi tárbıelenýshilerin uryp-soǵyp jatqan vıdeoǵa qatysty túsinikteme berdi, – dep habarlaıdy Almaty-akshamy.kz Polisia.kz saıtyna silteme jasap.
27 tamyz kúni İle aýdanynyń qorǵanshylyq jáne qamqorshylyq organdaryna otbasy úlgisindegi balalar úıi tárbıelenýshileriniń uryp-soǵylǵandyǵy jaıynda aqparat kelip túsken.
Atalǵan derek boıynsha ıývenaldy polısıa qyzmetkerleri aýdan ákimdiginiń mamandarymen birlesip, tıisti tekserý jumystaryn uıymdastyrdy. Tárbıelenýshiler biraz ýaqytqa «Solnyshko» balalar úıine tapsyryldy.
QR ÁQBtK-niń 127-babynda kózdelgen fakti boıynsha jınalǵan materıal sottyń qaraýyna jiberildi. Balalardy odan ári qorǵanshylyqqa alý nemese odan aıyrý týraly sheshimdi arnaıy qurylǵan komısıa qabyldaıdy.
Aıta keteıik, budan buryn Almaty oblysynda asyrandy balalardy uryp soqqan qamqorshyǵa qatysty tekseris bastalǵan bolatyn.
Polısıa balalar úıi tárbıelenýshilerin uryp-soǵyp jatqan vıdeoǵa qatysty túsinikteme berdi
- Avtor Almaty-akshamy
- 14:01, 01 qyrkúıek 2022
Sýret: Polisia.kz