1700-den astam lısenzıa berildi.
2021 jyly Qazaqstanda jer qoınaýyn paıdalanýǵa 1700-den astam lısenzıa berildi. Bul týraly Indýstrıa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy Almaty-akshamy.kz QazAqparatqa silteme jasap.
«Mıneraldyq-shıkizat bazasyn tolyqtyrý, geologıalyq zerdeleýdi arttyrý, jumys istep turǵan óndiris oryndaryn shıkizatpen qamtamasyz etý jáne jańa óndiris oryndaryn qurý maqsatynda jer qoınaýyn paıdalaný quqyǵyn beremiz. Pandemıaǵa qaramastan 2021 jyly 1700-den astam lısenzıa berildi jáne 800-ge jýyq otandyq ıýnıorlyq kompanıa quryldy. 2018 jyldan bastap jer qoınaýyn paıdalaný salasyna shamamen 7 trln teńge ınvestısıa tartyldy», - dedi Qaıyrbek Óskenbaev Úkimet úıinde ótken baspasóz máslıhatynda.
Onyń aıtýynsha, jer qoınaýyn paıdalaný salasyna Rio Tinto, Fortescue, Silver Bullet sıaqty álemdik naryqtaǵy iri kompanıalar tartyldy.
«Jumys istep turǵan óndiris oryndaryn shıkizatpen qamtamasyz etý maqsatynda otandyq bıznes ókilderi ERG, Kazakhmys, KazMinerals, Polımetal, Polús ken oryndaryn barlaý jumystary boıynsha mindetteme aldy. Jyl saıyn 38,6 mln tonna temir rýdasy, 1,4 mln tonna alúmını totyǵy óndiriledi, sondaı-aq 2,7 mln tonna mys konsentraty men 193 myń tonna qorǵasyn konsentraty shyǵarylady», - dedi Q. Óskenbaev.