Taılandta bokstan lısenzıalyq týrnır: qazaqstandyq sportshylar Parıj Olımpıadasyna joldama úshin kúresedi
Eki kúnnen keıin Taıland astanasynda bokstan búkilálemdik lısenzıalyq týrnır bastalady. Bul jarys Parıj Olımpıadasyna joldama beretin sońǵy múmkindikterdiń biri bolyp tabylady. Qazaqstan atynan bul týrnırde 6 sportshy qatysady, dep habarlaıdy almaty-akshamy.kz.
Erler arasynda 63,5 keli salmaq dárejesinde Muhamedsabyr Bazarbaıulyna úlken senim artylyp otyr. Ótken aıda Astanada ótken sparrıngtik básekede ol barlyq úmitkerler arasynan jeńimpaz atanǵan bolatyn. Degenmen, sáýir aıynda Italıada ótken irikteý týrnırinde ol jeńilip qalǵan edi.
Áıelder arasynda Nazym Qyzaıbaı (50 keli), Uljan Sársenbek (54 keli), Rımma Volosenko (60 keli), Natalá Bogdanova (66 keli) jáne Valentına Halzova (75 keli) sharshy alańǵa shyǵady.
Erteń, 23 mamyrda, Bangkokta týrnırdiń jerebesi tartylyp, otandyq bylǵary qolǵap sheberleriniń qarsylastary anyqtalady. Al 24 mamyrda alǵashqy jarys kúni bastaý alady.
Aıta keteıik, qazirgi ýaqytta elimizdiń erler quramasynda 6, al áıelder komandasynda 1 ǵana joldama bar. Parıj Olımpıadasy 26 shildede bastalyp, 11 tamyzǵa deıin jalǵasady.