2021 jyly Bilim jáne ǵylym mınıstrligi, University of Arizona jáne M.Qozybaev atyndaǵy Soltústik Qazaqstan ýnıversıteti arasynda yntymaqtastyq týraly memorandýmǵa qol qoıyldy.
Memleket basshysynyń joǵary bilim berý júıesin ekonomıka suranysyna qaraı, onyń ishinde sheteldik jetekshi joǵary oqý oryndarynyń fılıaldaryn ashý arqyly qaıta formattaý jónindegi tapsyrmasyn oryndaý aıasynda Qazaqstan Respýblıkasy Premer-Mınıstriniń orynbasary Eraly Toǵjanov M.Qozybaev atyndaǵy Soltústik Qazaqstan ýnıversıtetimen yntymaqtastyq modelderin talqylaý úshin University of Arizona ókilderimen kezdesti, dep habarlaıdy Almaty-akshamy.kz COVID-19 taralýyna jol bermeý jónindegi vedomstvoaralyq komısıasynyń Telegram kanalyna silteme jasap.
Aıta ketý kerek, University of Arizona - 136 jyldyq tarıhy bar qoǵamdyq ǵylymı-zertteý ýnıversıteti. "Karnegı klassıfıkasıasy" boıynsha ýnıversıtet R1 sanatyna jatady, ıaǵnı bul zertteý qyzmetiniń joǵary deńgeıindegi ýnıversıtet.
University of Arizona Shanhaı reıtıńinde (ARWU) 101-150, Times Higher Education-da 124 orynda.
2021 jyly Bilim jáne ǵylym mınıstrligi, University of Arizona jáne M.Qozybaev atyndaǵy Soltústik Qazaqstan ýnıversıteti arasynda yntymaqtastyq týraly memorandýmǵa qol qoıyldy.
Kezdesý barysynda sondaı-aq qazaqstandyq joǵary oqý ornyn University of Arizona senimdi basqarýyna berý máseleleri qaraldy.
Óńirlik ýnıversıtettiń básekege qabilettiligin arttyrý úshin bilim berý prosesinde University of Arizona-nyń úzdik tájirıbeleri qoldanylatyn bolady.
Osylaısha, yntymaqtastyq sheńberinde University of Arizona modeli boıynsha bilim berý baǵdarlamalary ázirlenetin bolady.
Qazaqstandyq stýdentter úshin qos dıplom alý múmkindigi beriledi: qazaqstandyq JOO jáne Universitý of Arizona. Akademıalyq utqyrlyq baǵdarlamalary belsendi damıtyn bolady.
Vıse-premer óz sózinde Bilim jáne ǵylym mınıstrligine jáne basqa da ýákiletti memlekettik organdarǵa barlyq qajetti uıymdastyrý jumystaryn júrgizýdi jáne osy jyldyń qyrkúıeginde SQÝ-da Arizona ýnıversıteti fılıalyna stýdentterdi alǵashqy qabyldaýdy júzege asyrýdy tapsyrdy.
Sheteldik profesorlardy, sondaı-aq jetekshi otandyq ǵalymdardy tartý josparlanýda. Bul óńirlik joǵary oqý oryndary bazasynda ozyq ǵylymı zertteýler men halyqaralyq jobalardy júrgizýge múmkindik beredi.
Bul bastama joǵary bilim berýdi ınternasıonaldandyrýdy keńeıtýge jáne óńirde ósý oryndaryn qalyptastyrýǵa yqpal etetin bolady.