Bul týraly Bilim jáne ǵylym mınıstri Asqat Aımaǵambetovtiń Telegram arnasynda bilim berý júıesiniń reıtıńteri týraly jazbasynan belgili boldy, dep habarlaıdy Almaty-akshamy.kz Elorda.info saıtyna silteme jasap.
TOEFL iBT. 2018 jyly – 82 bal, 2019 jyly – 85 bal, 2020 jyly – 120 baldan 86 bal. Ortalyq Azıa elderi arasynda bul - eń joǵary kórsetkish. CEFR Jalpyeýropalyq júıesindegi aǵylshyn tilin meńgerý deńgeılerine sáıkes, bul kórsetkishter aǵylshyn tilin bilýdiń shekti nemese ortasha deńgeıine (B1) sáıkes keledi.
Iaǵnı, bul turmystyq jaǵdaılarda tildesý múmkindigin nemese tanys taqyryptar boıynsha áńgimelesýge bolatynyn bildiredi. Tildik daǵdylar bólinisinde qazaqstandyqtar tyńdaý jáne sóıleý boıynsha ortasha eseppen árbir bólimdegi 30 eń joǵary baldan 22 bal, oqý jáne jazý boıynsha 21 bal jınaıdy.
IELTS. 2019 jyly azamattardyń aǵylshyn tilin meńgerý deńgeıiniń ortasha baly eń joǵary 9-dyń 6,1 balyn qurady, bul bilikti paıdalanýshy deńgeıine sáıkes keledi. Bul qazaqstandyq úmitkerlerdiń keıbir naqtylanbaǵan aqparatqa qaramastan, tildi jaqsy meńgergenin bildiredi. Olar kúrdeli tildi, ásirese tanys jaǵdaılarda qoldanyp, túsine alady.
Tildik daǵdylardyń túrleri boıynsha qazaqstandyqtar oqý jáne tyńdaý boıynsha aıtarlyqtaı joǵary nátıje (6,3 baldan), al sóıleý (6,0) men jazý (5,6 upaı) boıynsha birshama tómen nátıje kórsetip otyr. Keıbireýler tańdanatyn shyǵar, biraq olar IELTS halyqaralyq emtıhanyndaǵy jalpy bal boıynsha Qazaqstannyń Koreıa (6,0), Qytaı (5,8), Japonıa (5,8), Ózbekstan (5,7) jáne taǵy basqa kóptegen elden ozyp ketkenine qyzyǵa qaraıtyn bolady.
«IELTS jáne TOEFL elder boıynsha resmı reıtıń jasamaıtynyn este ustaǵan jón. Odan bólek, olar boıynsha jalpy qorytyndylar jasaý da qıyn. Mundaı derektermen jáne reıtıńtermen jumys istegende, eń aldymen, ádistemege nazar aýdaryp, sodan keıin ǵana qorytyndy jasaý kerek», – dep jazdy Asqat Aımaǵambetov.