Kolej stýdentteri SMS-habarlama arqyly áskerı boryshyn óteý merzimin keıinge jyljyta alady, dep habarlaıdy Almaty-akshamy.kz QazAqparatqa silteme jasap.
«Oqý-aǵartý mınıstrligi men memlekettik organdardyń aqparattyq júıelerin ıntegrasıalaý nátıjesinde 2023 jyldyń naýryz aıynan bastap kolej stýdentterine proaktıvti formatta SMS joldanady», - dep jazdy Memlekettik qyzmetterdi sıfrlandyrý jáne avtomattandyrý departamenti.
Búgingi tańda Qazaqstan kolejderinde áskerge shaqyrý jasyndaǵy 118 myńǵa jýyq stýdent bilim alady.
«Kúndizgi oqý nysanyndaǵy kolej stýdentterine áskerı qyzmetke shaqyrýdy keıinge qaldyrý oqý aıaqtalǵanǵa deıin beriledi. Ol Oqý-aǵartý mınıstrliginiń Ulttyq jalpy bilim berý derekter bazasynan rastalady jáne sonyń negizinde SMS arqyly keıinge qaldyrý nemese áskerden bosatý ruqsaty beriledi», – deıdi Memlekettik qyzmetterdi sıfrlandyrý jáne avtomattandyrý departamentiniń dırektory Azat Tıshtybaev.