Qazaqylyqtyń qaımaǵy buzylmaǵan óńir
Soltústik Qazaqstan oblysynda memlekettik qyzmetshiler jumysqa ulttyq kıim kıe bastady, dep habarlaıdy Almaty-akshamy.kz 24.kz-ke silteme jasap.
Ulystyń uly kúni – áz Naýryz merekesine oraı óńirde arnaıy chellendj uıymdastaryldy. Tyń bastamany ákimdiktegilerden bólek, basqarma, tipti aýdandardaǵy túrli bólim mamandary da qoldaı ketken. Iaǵnı olar klasıkalyq formany qazaqy naqyshtaǵy úlgige almastyryp otyr. Qyz-kelinshekter qamzol, beshpent kıse, er azamattar kastúmderin shapanǵa aýystyrdy. Atalǵan asıaǵa ózge ult ókilderi de ún qosty. Osylaısha olar Soltústik qazaqstannyń qazaqylyqtyń qaımaǵy buzylmaǵan óńir ekenin taǵy bir márte pash etti.
«Soltústik Qazaqstan oblysynyń ákimshiliginiń apparaty, aýdan ákimshilikteri, aýyldyq okrýgterdegi ákimshilikterde - barlyq jerde osy kúni arnaıy chellendj bastap, ulttyq kıimderdi kıip, salt-dástúrlerimizdi jańasha qulpyrtyp, sondaı bir shara jasap jatyrmyz. Memlekettik qyzmetshilerge ulttyq naqyshtaǵy kıimdi kıýge eshqandaı shekteýler joq. Qaıta bul salt-dástúrimizdiń jalǵasy bolyp esepteledi», - dedi SQO ákimi apparatynyń ádep jónindegi ýákili Seıilhan Serikbaev.