Smartfonnyń qyzyp ketý qaýpi bar
Batareıanyń qyzmet etý merzimin uzartý úshin smartfonǵa túnde damyl berý kerek. Túnde qosýly mobıldi ınternet úsh-tórt jyldan asqan qurylǵyǵa zıan tıgizýi múmkin. Bul týraly «Aqparattyq qaýipsizdiktiń zıatkerlik júıeleri» kafedrasynyń dosenti Evgenıı Kashkın aıtty, dep habarlaıdy Almaty-akshamy.kz Zakon.kz-ke silteme jasap.
Eger mobıldi qosymshalardy tek Wi-Fi jelisi arqyly jańartýdyń arnaıy ólshemderin ornatpaǵan bolsańyz, onda smartfonyńyz olardy mobıldi ınternet arqyly júkteı bastaıdy.
«Praım» agenttigine bergen suhbatynda Kashkın gadjet ıeleri túnde mobıldi trafık paketiniń edáýir bóligin joǵaltyp alýy múmkin ekenin de atap ótedi.
Sonymen qatar, maman qazirgi ýaqytta smartfonnyń qyzyp ketý qaýpi bar ekenin qosty. Ásirese, túnde, adamdar shyrt uıqyda jatqanda bul jaǵdaı óte qaýipti. Osy sebepti jatarda smartfondy ınternetten ajyratyp tastaǵan tıimdirek bolady.