34 jastaǵy turǵyny jerleý oryndaryn qıratty degen kúdikke ilindi
Polıseıler Úshtóbe qalasyndaǵy zırattardy qıratty degen kúdikke ilingen turǵyndy ustady, - dep habarlaıdy Almaty-akshamy.kz Polisia.kz saıtyna silteme jasap.
Psıhıkasynyń buzylýynan zardap shegetin Úshtóbe qalasynyń 34 jastaǵy turǵyny jerleý oryndaryn qıratty degen kúdikke ilindi. Ustalǵan adamnyń qylmysqa qatystylyǵy kýágerlerdiń aıǵaqtarymen jáne is boıynsha taǵaıyndalǵan saraptamanyń nátıjelerimen rastalady.
«Zırattardy qorlaý qylmysy 16 qańtarda oryn alǵany anyqtaldy. 14 jerleý orny búlingen jáne qıraǵan, olardyń metal qorshaýlary qıratylyp, aǵash jáne temir krester syndyrylǵan. Qulpytas jazbalary men eskertkish gúl shoqtary jan-jaqqa shashylǵan. Kúdiktiniń áreketinen zardap shekken zırattar qorymnyń shet jaǵynda ornalasqan. Qaıtys bolǵandardyń týystaryna habar berildi. Tekserý barysynda urlyq derekteri anyqtalǵan joq»,-delingen habarlamada.
Kúdiktiniń 60 jastaǵy anasy qala turǵyndarynan bala kezinen aýyr psıhıkalyq aýytqýdan zardap shegetin ulynyń áreketi úshin keshirim surady.
Qaratal aýdanynyń polısıa qyzmetkerleri QR Qylmystyq kodeksiniń 294-baby "Taǵylyq" deregi boıynsha sotqa deıingi tergeý amaldaryn jalǵastyrýda. Kúdiktiniń psıhıkalyq jaı-kúıin eskere otyryp, ustalǵan adam oblystyq psıhonevrologıalyq dıspanserge ornalastyrdy. Derek boıynsha tergeý is-sharalary Almaty oblysy Polısıa departamentiniń erekshe baqylaýynda.