Bul týraly ánshiniń "Qazaqkonsert" basshysy Jeńis Seıdollaulymen kezdesýinde belgili boldy.
«Slaván bazary-2021» halyqaralyq baıqaýynyń jeńimpazy Rýhıa Baıdúkenova "Qazaqkonsert" solısi atandy, dep habarlaıdy Almaty-akshamy.kz
«Aıqyn» basylymnyń aqparaty boıynsha, Jeńis Seıdollauly Rýhıany óner jolyndaǵy jetistikterimen quttyqtap, jas ánshiniń aldaǵy josparlarymen tanysty.
"Qazaqkonserttiń" ánshisi bolý – bala kúngi armanym. Roza Baǵlanova, Jamal Omarova, Júsipbek Elebekov, Manarbek Erjanov sıaqty esimderi el tarıhynda altyn áriptermen jazylǵan ataqty tulǵalardyń izi qalyp, Sara Tynyshtyǵulova, Altynbek Qorazbaev, Roza Rymbaeva, Maqpal Júnisova, Dımash Qudaıbergen syndy óner juldyzdary eńbek etip júrgen óner ordasynyń solısi bolý – men úshin úlken mártebe. Aldaǵy maqsatym – Qazaqstannyń mádenıetin jáne "Qazaqkonserttiń" atyn álemge tanytý", – dedi Rýhıa Baıdúkenova.