Evgenıı Zınıchev qyzmettik mindetin oryndaý barysynda kóz jumǵan.
Reseıdiń tótenshe jaǵdaılar mınıstri Evgenıı Zınıchev qyzmettik mindetin oryndaý barysynda kóz jumdy, dep habarlady Almaty-akshamy.kz Almaty.tv silteme jasap.
Resmı málimetke sáıkes, mınıstr vedomstvoaralyq oqý-jattyǵýlary kezinde adamdy qutqaramyn dep qaıtys boldy.
«Reseıdiń tótenshe jaǵdaılar mınıstrligi Evgenıı Zınıchevtiń qyzmettik mindetin oryndaý kezinde opat bolǵanyn qaıǵyryp habarlaıdy. Ol arktıkalyq aımaqta tótenshe jaǵdaılardan qorǵaný boıynsha vedomstvoaralyq oqý-jattyǵýǵa qatysyp, adam ómirin qutqarýǵa tyrysqan», – delingen resmı habarlamada.
Evgenıı Zınıchev 1966 jyly Lenıngradta dúnıege kelgen. Sankt-Peterbýrgtiń bıznes jáne quqyq ınstıtýtynyń «Qarjy jáne kredıt» fakúltetin támamdaǵan.
1984-1986 jyldary KSRO Qarýly Kúshteri qatarynda Soltústik flotta merzimdi áskerı boryshyn ótep kelgen.
1987-2015 jyldary memlekettik qaýipsizdik organdarynda jumys istedi.
2013 jyly Reseı Federasıasynyń Qarýly Kúshteri Bas shtabynyń áskerı akademıasynda kásibı qaıta daıarlaýdan ótti.