Kúdikti ýaqytsha ustaý oqshaýlaǵyshyna qamaqqa alyndy.
Almaty oblysynyń polıseıleri birneshe urlyqqa qatysy bar er adamdy ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, polısıaǵa Aqsý aýdany, Taýsamaly aýyly kósheleriniń birinde ornalasqan temir lúktiń urlanǵany jaıynda JSHS biriniń basshysy aryzdanǵan. Shyǵyn mólsheri 197 myń teńge kóleminde baǵalanǵan.
«Polıseıler kúdiktiniń izine túsip, onyń 37 jastaǵy jergilikti turǵyn ekenin anyqtady. Sonymen qatar tergeý amaldary barysynda kúdiktiniń budan ózge aýdan aýmaǵynda oryn alǵan mal urlyǵynyń eki deregine qatystylyǵy belgili boldy. Ol óz kinásin tolyǵymen moıyndap otyr. Qazirgi tańda kúdiktiniń ózge de qylmystarǵa qatystylyǵy tekserilýde. Ózge aqparat tergeý múddesine saı jarıa etilmeıdi», – deıdi Aqsý APB bastyǵy Dáýren Sákenov.
Búginde kúdikti ýaqytsha ustaý oqshaýlaǵyshyna qamaqqa alyndy. Oǵan qatysty QR QK 188-1-babynyń 3-bóligi jáne 188-babynyń 1-bóligi boıynsha sotqa deıingi tergeý amaldary júrgizilýde.