2025 jyldyń mamyr aıynan bastap Skype qosymshasy jumysyn tolyq toqtatady.
Bul ózgeris Skype-tyń aqyly jáne tegin qyzmetin paıdalanýshylarǵa qatysty, biraq bızneske arnalǵan Skype qyzmetine áser etpeıdi, dep habarlaıdy aqshamnews.kz El.kz aqparat agenttigine silteme jasap.
Skype qoldanýshylaryna Microsoft Teams qosymshasynyń tegin nusqasyna kóshý usynylady. Bul qyzmet Skype-taǵy negizgi múmkindikterdi qamtyp qana qoımaı, qosymsha múmkindikter de usynady. Skype qoldanýshylary Microsoft Teams qosymshasyna ózderiniń burynǵy akkaýntymen kirse, barlyq baılanystary men chattary avtomatty túrde kóshiriledi. Skype ishinde de málimetterdi tasymaldaýǵa qatysty eskertý jiberiledi.
Microsoft Teams tegin qyzmetin paıdalanǵysy kelmeıtinder Skype-taǵy derekterin eksporttaı alady.
Skype-taǵy aqyly qońyraýlar men jazylymdar 2025 jyldyń 3 sáýirine deıin avtomatty túrde uzartylady. Al 2025 jyldyń mamyr aıynan keıin Skype nómir terý fýnksıasy tek Skype veb-portalynda jáne Microsoft Teams tegin nusqasynda qoljetimdi bolady. Skype nómirin basqa operatorǵa aýystyrý úshin jańa operatorǵa júginý kerek.
Sonymen qatar, Skype qyzmeti budan bylaı jańa klıentter úshin halyqaralyq jáne jergilikti qońyraýlar jasaýǵa jáne qabyldaýǵa múmkindik beretin aqyly qyzmetterdi usynbaıdy.