Dástúrli túrde 34 aptaǵa sozylatyn oqý jyly aıaqtalýǵa jaqyn.
Elimiz boıynsha bıylǵy oqý jylyn 3,9 mıllıonnan astam oqýshy qorytyndylaıdy. Eki júz on jeti myńnan astam on birinshi synyp oqýshysy mektep bitiredi, dep habarlaıdy aqshamnews.kz
Ótken jyldaǵydaı, sońǵy oqý kúni — 23 mamyrda elimizdiń barlyq mektepterinde «Bilimim — Otanyma» taqyrybynda biryńǵaı synyp saǵaty ótedi. Bul - búkil bilim berý júıesi úshin mańyzdy shara, oqýshylar men ustazdar oqý jylyn qorytyndylap, eń mańyzdy ári qyzyqty sátterdi birge eske alady.
Biryńǵaı synyp saǵaty oqýshylardyń boıynda bilimge umtylys, patrıotızm jáne eńbekqorlyq sıaqty qasıetterdi qalyptastyrýǵa baǵyttalǵan. Balalardyń oqýdaǵy árbir jetistigi — bolashaǵymyzdyń irgetasyn berik etip qalaýdyń negizi.
Bıylǵy oqý jylynyń resmı aıaqtalýy jeksenbi kúnimen sáıkes kelgendikten, 11-synyp túlekteri úshin saltanatty shara mektep ákimshiliginiń sheshimimen 23-shi nemese 24-shi mamyrda ótkiziledi.
Sondaı-aq, barlyq oqýshylar úshin teń jaǵdaı men qaýipsizdikti qamtamasyz etý úshin mektep formatynan tys, sán-saltanatty is-sharalar uıymdastyrý, aqsha jınaý, avtokólikpen sherýge shyǵý jáne basqa da merekeleý túrlerine jol berilmeıtinin taǵy da eske salamyz.