Onyń 23 myńǵa jýyǵy sertıfıkat alǵan.
Kýrs oqyǵan jumyssyzdar - negizinen Qyzylorda, Túrkistan, Almaty jáne Jambyl oblysynyń jastary, dep habarlaıdy Almaty-akshamy.kz
QR Eńbek jáne halyqty áleýmettik qorǵaý mınıstrliginiń málimetinshe, jyl basynan beri 89 myńǵa jýyq jumyssyz azamat SKILLS.ENBEK.KZ onlaın kásiptik oqytý platformasynda oqydy.
Platformada jalpy 283,1 myń qazaqstandyq tirkelgen.
"Platforma iske qosylǵan sátten bastap avtorlar 212 kýrs jarıalady, onyń 159-i tegin. Kýrstardyń uzaqtyǵy 1-den 72 saǵatqa deıin boldy. Eń tanymal kýrstar – "Vyrashıvanıe klýbnıkı ot A do Ia", "Ptısevodstvo. Vyrashıvanıe broılerov", "Otkorm krýpnogo rogatogo skota", "İri qara maldy bordaqylaý" jáne "Kasır" kýrstary boldy", - delingen mınıstrliktiń aqparatynda.
Oqýǵa tikeleı https://skills.enbek.kz/ siltemesi arqyly nemese Elektrondyq eńbek bırjasynda (enbek.kz) "Onlaın oqytý" bólimin tańdaý arqyly ótýge bolady.
Oqý aıaqtalǵannan keıin bilim alýshy 70% shekti deńgeımen test tapsyrýy tıis. Onlaın kýrsty sátti aıaqtaǵan jaǵdaıda sertıfıkat beriledi.
Bul sertıfıkat Elektrondyq eńbek bırjasynda (enbek.kz) tirkelgen kezde bilim alýshy jasaǵan túıindemede avtomatty túrde kórsetiledi. Iaǵnı, jumys berýshiler jumysshynyń SKILLS.ENBEK.KZ-te tabysty oqyǵany týraly sertıfıkattardy kóre alady.
"Avtorlar men ázirleýshiler bul platformada ózderiniń onlaın kýrstaryn tegin ornasatyra alady. Kýrstar memlekettik jáne orys tilderinde bolady. Sondaı-aq aqparat berýdiń ártúrli formattary: mátin, prezentasıa, beıne jáne aýdıo materıaldar, ınfografıka jáne basqa túrleri bolýǵa tıis. Usynylatyn onlaın kýrstardyń uzaqtyǵy 6-dan 144 saǵatqa deıin bolady", - delingen vedomstvo taratqan habarlamada.