Bul týraly «Qazaqstan men Eýropalyq Odaq arasyndaǵy mańyzdy shıkizat salasyndaǵy iskerlik áriptestik» forýmynda aıtyldy.
Sheteldik kompanıalar salaǵa qomaqty ınvestısıa quıyp, jerge geologıalyq barlaý júrgizedi. Qazir Indýstrıa jáne ınfraqurylymdyq damý mınıstrligi qyzyǵýshylyq tanytqan kompanıa ókilderimen túsindirme jumystaryn júrgizip jatyr, dep habarlaıdy Almaty-akshamy.kz.
Qazaqstan.tv habarlaýynsha,Investısıa sharttary tanystyrylyp, eki jaqty kelsissózder josparlanǵan. Jasyl ekonomıka qaǵıdattaryn ustanǵan eýropalyq kompanıalar jergilikti óndirýshilermen birlese nemese jeke jumys isteı alady. Bul rette eń birinshi qazaqstandyq taraptyń talaptaryn oryndaýǵa basymdyq beriledi. Forým aıasynda sheteldik kompanıalar naryqtaǵy jetistikterimen bólisti. Olarǵa bizdiń eldegi metalýrgıalyq kásiporyndardyń múmkindikteri týraly aqparat berildi.
«Eýropalyq Odaqpen krıtıkalyq materıaldardy damytý boıynsha bizde kelisimshart bar. Sonyń sheńberinde osy is-sharany ótkizip otyrmyz. Sırek materıaldar bolǵandyqtan, aty aıtyp turǵandaı, tehnologıalary da sırek kezdesedi. Kompetensıa máselesi de bar. Bizde oǵan jetkilikti mamandar kerek. Solardyń barlyǵyn damytyp, oqytyp, daıyndaý qajet», - dedi QR Indýstrıa jáne ınfraqurylymdyq damý mınıstriniń orynbasary İlıas Ospanov.