Bul týraly máslıhattyń VII sesıasynda Almaty qalasy qarjy basqarmasynyń basshysy Qanat Sýhambekov málimdedi. Onyń aıtýynsha, densaýlyq saqtaý salasyna qosymsha 3,8 mlrd teńge bólý usynylady, bul qarajattyń bir bóligi orfandyq aýrýlary bar adamdardyń qajettilikterine baǵyttalady, dep habarlaıdy almaty-akshamy.kz
«Sırek kezdesetin (orfandyq) aýrýlardyń 8 túri boıynsha 553 pasıentti tegin dárilik zattarmen qamtamasyz etý úshin 495,3 mln teńge qarastyrylǵan», - dep naqtylady Qanat Sýhambekov.
2017 jyldan bastap jergilikti búdjet esebinen dári-dármekpen qamtamasyz etýdi qajet etetin orfandyq aýrýlary bar naýqastardyń sany 40 eseden astam ósti. 2017-2022 jyldar kezeńinde qarjylandyrý somasy 8 esege artty jáne ósýin jalǵastyrýda.
Almatyda 5 densaýlyq saqtaý nysanynyń qurylysyn bastaý josparlanýda, jobalyq-smetalyq qujattamany ázirleýge 158,3 mln teńge qarastyrylǵan.
Ortalyqtandyrylǵan zararsyzdandyrý bólimshelerin jaraqtandyrý úshin medısınalyq jabdyqtardy satyp alý úshin 12 medısınalyq uıymǵa jalpy somasy 2,3 mlrd teńge bolatyn uıymǵa qarajat bólinedi.