Bul týraly máslıhattyń VII sesıasynda Almaty ákiminiń orynbasary Asqar Ámrın málimdedi, dep habarlaıdy almaty-akshamy.kz
Ol óz sózinde Almaty respýblıka búdjeti úshin negizgi donorlardyń biri bolyp qala beretinin erekshe atap ótti. Almaty birneshe jyldan beri respýblıkalyq búdjetke beriletin salyq túsimderi boıynsha kóshbasshylardyń biri bolyp keledi.
«2023 jyly memlekettik búdjetke túsetin qarjy kólemi shamamen 3 trln teńgeni qurady, onyń ishinde respýblıkalyq búdjetke 2,1 trln teńge nemese 72%. Qalanyń jergilikti búdjetine túsetin túsimder 129%-ǵa asyra oryndaldy jáne 843 mlrd teńgeni qurady», - dedi Asqar Ámrın depýtattarǵa.
Kirister ósýiniń joǵary qarqynyn eskere otyryp, megapolıs úshin jalpy somasy 81,9 mlrd teńgege negizgi jobalardy qosymsha qarjylandyrýǵa múmkindik týdy.