QR Syrtqy ister mınıstrliginiń resmı ókili Aıbek Smadıarov Belarýs prezıdenti Aleksandr Lýkashenkonyń Qazaqstannyń eks-prezıdenti Nursultan Nazarbaevqa telefon soqqany týraly jańalyqqa túsinikteme berdi, dep habarlaıdy Almaty-akshamy.kz Zakon.kz-ke silteme jasap.
Bul aqparatpen Syrtqy ister mınıstrligi de tanysyp úlgergen.
«Árıne, Belarýs Prezıdenti – bizdiń burynǵy prezıdentimizdiń baıyrǵy odaqtasy, olardyń árqashan aıtatyn nársesi bar. Sonymen birge ózderińizge belgili, elimizdiń syrtqy saıasatyn, onyń ishinde shet memlekettermen qarym-qatynasyn aıqyndaý QR prezıdentiniń quziretinde. Sondyqtan Qazaqstan-Belarýs qatynastary qazirgi memleket basshylarynyń arasynda ǵana talqylanatynyna súıenemiz»,-deıdi Aıbek Smadıarov
QR Syrtqy ister mınıstrliginiń resmı ókili: «Qazaqstan men Belarýs arasyndaǵy qarym-qatynastar strategıalyq sıpatqa ıe, kún tártibinde problemalyq máseleler joq, barlyq deńgeıde turaqty jáne jan-jaqty baılanystar saqtalyp otyrǵanyn»,-dep qosa ketti.
25 maýsym kúni Belarýs prezıdentiniń baspasóz qyzmeti Aleksandr Lýkashenko men Nursultan Nazarbaev telefon arqyly halyqaralyq jaǵdaıdy, aımaqtaǵy jaǵdaıdy jáne Belarýs-Qazaqstan qarym-qatynastaryn talqylaǵany týraly aqparat taratqan.