Jazdyń alǵashqy aıynan Alakól, Balqash jáne Zaısan kurortty aımaqtaryna sūranys 5 esege juyq ósken. Būl turaly Mádenıet jáne sport mınıstrlígí málímdedí, dep habarlaıdy, Almaty-akshamy.kz.
Atap aıtqanda, Úsharal, Balqash, Zaısan jáne Úrjarǵa sūranys ósken. Osy baǵyttarmen turıster Qazaqstannyń shyǵysyndaǵy kurortty aımaqtar men jaǵajaı demalys oryndaryna jetedí. Írí turıstík agregatordyń málímetínshe, kórsetílgen baǵyttar boıynsha sūranys 5 esege juyq óstí.,-dep jazdy Zakon.kz.
Būl Úrjar jáne Úsharal áuejaılarynyń ūshu-qonu jolaqtaryn jóndeu ayaqtalyp, jūmys būrynǵy rejımde qaıta bastalǵanymen baılanysty bolyp otyr.
Jazǵy mausymda sūranys ósken baǵyttardyń íshínde Aqtóbe men Túrkístan erekshe kózge túsedí. Bıyl turısterdíń ekí qalaǵa degen qyzyǵushylyǵy 40% artqan.
«Íshkí turızmdí damytu sheteldík sayahatshylar sanyn arttyru sıyaqty mańyzdy. Mádenıet jáne sport mınıstrlígí íshkí turızmdí yntalandyruǵa arnalǵan túrlí baǵdarlama ázírlep, íske asyryp jatyr. Mysaly, Kids go free baǵdarlamasy el íshíndegí otbasylyq demalysty tıímdí josparlap, aqsha únemdeuge múmkíndík beredí. Otandastarymyz turoperatorlar arqyly turıstík paketterdí satyp alyp, 30%-ǵa deıín únemdeı alady»,-dedí Mádenıet jáne sport mınıstrlígíníń baspasóz hatshysy Móldír Ábdualıeva.
Elímízdíń top-5 turıstík baǵytyna Astana, Almaty, Shymkent, Aqtau jáne Atyrau kíredí. Bes shahar dástúrlí túrde osy reıtıngte kósh bastap tūr. Jazǵy mausymǵa qaraı, olarǵa degen qyzyǵushylyq orta eseppen 20% ósken.