Bıyl qansha otandasymyzdyń Reseıge baryp, kóshi-qon qyzmetiniń tirkeýine alynǵany belgili boldy, dep habarlaıdy Almaty-akshamy.kz QazAqparat-qa silteme jasap.
«Reseı İshki ister mınıstrliginiń málimeti boıynsha, 2023 jyldyń birinshi toqsanynda 110 myńnan astam qazaqstandyq Reseıdiń kóshi-qon baqylaýyna alyndy. Onyń 60 myńǵa jýyǵy – stýdentter. Qazir jaz mezgili, múmkin keıbiri ketip qalǵan shyǵar, biri sol elde qalǵan bolýy múmkin. Sondyqtan Reseıde qansha azamatymyz bar ekendigi týraly naqty esep júrgizý óte qıyn», - dedi Syrtqy ister mınıstrliginiń resmı ókili Aıbek Smadıarov brıfıń barysynda tilshilerdiń saýalyna jaýap bere turyp.
Odan bólek, baspasóz máslıhaty barysynda: «Vagner» jeke áskerı kompanıasynyń quramyna kirgen qazaqstandyqtar bar ma, olar áskerı áreketterge qatysqan joq pa?», - degen saýal qoıyldy.
Aıbek Smadıarov: «Bizde eshqandaı resmı aqparat joq», - dep qysqa qaıyrdy.
«Reseıdegi jaǵdaı boıynsha elge kelemin degen stýdentter boldy. Sońǵy 2-3 kún ishinde «Azamattarymyzdy nelikten evakýsıa jasamaısyzdar? degen kóp suraqtar boldy. Aıtaıyn degenim, eki el arasyndaǵy shekara ashyq, Reseıde soǵys jarıalanǵan joq. Áýe qatynasy da qalpynda, poıyzdar men kólikter júrip jatyr. Sondyqtan ár adamnyń óz erki. Azamattarymyzdy evakýasıalaıtyn jaǵdaı emes», - deıdi vedomstvodan.