Jaqynda mundaı qońyraýlar arqyly alaıaqtyq jaǵdaılarynyń kóbeıýi baıqaldy.
Pavlodar oblysynyń polısıasy turǵyndardy SIM-kartalardyń jaramdylyq merziminiń jaqyn arada aıaqtalatynyn málimdeıtin alaıaqtar paıda bolǵandyǵy týraly eskertedi, – dep habarlaıdy almaty-akshamy.kz.
Polısıa departamenti aımaq turǵyndaryn “SIM-kartańyzdyń jaramdylyq merzimi jaqyn arada aıaqtalady” – dep habarlasatyn boljamdy uıaly baılanys operatorlarynan qońyraýlar túsken kezde erekshe sergek jáne saq bolýdy eskertedi.
Jaqynda mundaı qońyraýlar arqyly alaıaqtyq jaǵdaılarynyń kóbeıýi baıqaldy, bul azamattardyń nazaryn jáne habardar bolýyn talap etedi.
"Jaqynda polısıaǵa turǵynnan uıaly baılanys operatorynyń boljamdy qyzmetkeri atynan qońyraý shalynǵandyǵy týraly habarlaǵan ótinish tústi. Qaskóı azamatqa SIM kartasynyń jaramdylyq merzimi aıaqtalatyny týraly habardar etken jáne ol úshin belgili bir sms-kodty kórsete otyryp, merzimdi uzartýdy usynǵan. Qońyraý shalýshyǵa senip, azamat kodty engizgen. Aalaıaqtar osy kod arqyly onyń jeke derekterine qol jetkizgen jáne onyń atyna nesıe rásimdegen", – dep habarlaıdy Pavlodar oblysy PD krımınaldyq polısıasynyń kıberqylmysqa qarsy kúres bóliminiń bastyǵy Rızabek Janat.
Sondyqtan azamattardyń saqtyq tanytýy jáne mundaı qońyraýlarǵa senbeýi óte mańyzdy. Ásirese olar belgisiz nómirlerden kelse erekshe saq bolý qajet. Eger siz derekkózdiń túpnusqalyǵyna senimdi bolmasańyz, eshqashan jeke derekterdi bermeýińiz nemese telefon arqyly alynǵan kodtardy engizbeýińiz kerek. Kúdik týyndaǵan jaǵdaıda dereý polısıaǵa habarlasyp, tergeý júrgizý úshin barlyq qoljetimdi málimetterdi usynǵan jón.
"Ózińizdi osyndaı alaıaqtyqtardan senimdi qorǵaý úshin SIM-kartanyń statýsy nemese kez kelgen basqa da mańyzdy máseleler týraly aqparatty naqtylaý úshin uıaly baılanys operatorynyń qoldaý qyzmetine tikeleı habarlasqan jón", – dep atap ótti spıker.