Nazarlaryńyzǵa el namysyn qorǵaıtyn Qazaqstan quramasynyń sportshylaryn usynamyz: Bekarys Ramatýlla, Andreı Ergýchóv, Marıa Brovkova, Sergeı Emelánov, Olga Shmelóva, Sergeı Tokarnıskıı, Tatána Tokarnıskaıa, Tımýr Haıdarov, Rýfına Iskakova, Irına Podoınıkova, Ýlána Kıselóva, Vıktor Stepanov, Artóm Tereshenko;
Ulttyq quramanyń bapkerler quramy: Qaısar Nurmaǵanbetov (bas bapker), Sergeı Tıýnov, Aleksandr Akýnıshnıkov, Vladımır Petrov, Mıhaıl Emelánov (aǵa jattyqtyrýshy);
«Naýryzdyń 18-ine Qazaqstan chempıonatynyń qorytyndysy boıynsha Ulttyq quramany jasaqtap, Azıa chempıonatyna baratyn sportshylar tizimin bekittik. Sol kezde 1000 metrde Andreı Ergýchóv pen 500 metrde Tatána Tokarnıskaıa jaqsy nátıje kórsetip, quramaǵa qosyldy. Qazir Tashkentte oqý-jattyǵý jıynynyń sońǵy kezeńi ótip jatyr. Bıylǵy lısenzıalyq jarysta barlyǵy 14 baǵdarlama desek, onyń 8-i olımpıadalyq. Juptyq jarysta Sergeı Emelánov pen Tımýr Haıdarovtyń tájirıbesi kóp. Bul saıysta tek chempıon atanǵan el ǵana Parıjdegi oıyndarǵa barady. Jalpy bapkerler Ulttyq quramaǵa alynǵan barlyq sportshyǵa birdeı senim artady. Josparymyzdy júzege asyrýǵa barlyq jaǵdaı bar»,-dedi Qaısar Nurmaǵanbetov Sportty damytý dıreksıasynyń baspasóz qyzmetine bergen suhbatynda.
Aıta keteıik, Azıa chempıonatynda jekeleı synda fınalda altyn jáne kúmis medal alǵan sportshylar Olımpıada lısenzıasyna ıe bolsa, juptyq saıysta tek jeńimpazdarǵa joldama buıyrady.
Eske sala keteıik, byltyrǵy Azıa chempıonaty Taılandta ótip, onda 28 baǵdarlamada júlde jıyntyǵy sarapqa salynǵan.