Úsh aıda elimiz boıynsha 432 balaǵa kókjótel tıgen.
Mamandardyń aıtýynsha, olardyń 400-ge jýyǵy 14 jasqa deıingi balalar, al onyń 90%-y bes jasqa tolmaǵandar, dep habarlaıdy Almaty-akshamy.kz
Densaýlyq saqtaý mınıstrliginiń mamandary muny ujymdyq ımýnıtettiń tómendeýimen baılanystyryp otyr.
Vaksına almaýdyń saldary da osy aýrýdyń órshýine sebep bolyp tur. Dárigerler kishkentaı naýqastardyń 80 paıyzy ýaqytyly ekpe saldyrmaǵanyn aıtady.
Qazir Astanada - 126, Almatyda - 30 bala emdelip jatyr.
«Aýyrǵan kezde de negizi jeńil túrde ótedi. Pnevmonıa, gıpoksıa, qatty jótel ondaı bolmaıdy. Vaksınasıa bizde eki aıdan bastalady. Úsh aıda, tórt aıda, odan keıin 18 aıda vaksınasıa. Jáne 6 jasta sońǵy revaksınasıa bolady», dedi Qoǵamdyq densaýlyq saqtaý ortalyǵynyń departament dırektory Qanat Tekebaev.