Syrtqy ister mınıstri Ermek Kósherbaev Qatar memleketiniń premer-mınıstri – syrtqy ister mınıstri sheıh Muhammed ben Abdýlrahman Ál Tanıǵa kóńil aıtý jedelhatyn joldady, - dep habarlaıdy aqshamnews.kz.
Hatta Ermek Kósherbaev Qatar Ámiri keńsesi qyzmetkerleriniń Sharm-esh-SHeıh qalasy mańynda jol-kólik apatynan qaza bolýyna baılanysty Qazaqstan halqynyń jáne óziniń shynaıy kóńilin bildirgen.
Mınıstr marqumdardyń aımaqtyq beıbitshilik pen turaqtylyqty qamtamasyz etý isine qosqan zor úlesin atap ótti. Sondaı-aq ol Qazaqstannyń Qatarmen aradaǵy strategıalyq seriktestikti joǵary baǵalaıtynyn jetkizdi.
Eske salaıyq, buǵan deıin Egıpette, Sharm-esh-SHeıh mańynda Qatar delegasıasy mingen kólik apatqa ushyraǵany habarlanǵan. Delegasıa quramynda premer-mınıstrdi Gaza sektoryndaǵy jaǵdaı jónindegi kelissózderge ertip júrgen dıplomattar bolǵan.
Qatardyń úsh dıplomaty qaza taýyp, taǵy úsh adam aýyr jaraqat alǵan.