Qazaq Air áýe kompanıasynyń bir top ushqyshy basshylyqqa úndeý jasady, - dep habarlaıdy aqshamnews.kz tilshisi Kólik mınıstrligine silteme jasap.
Oqıǵanyń mán-jaıy
11 qazanda QazaqAir kompanıasynyń Qostanaı - Astana reısin oryndaǵan jolaýshylar ushaǵy tehnıkalyq aqaýǵa baılanysty ushyp shyqqan áýejaıyna qaıta oraldy. Áýe kompanıasy málimetinshe, ushý prosesi toqtatylyp, bort qaýipsiz túrde turaqqa qaıtarylǵan. Keıbir jolaýshylar shasıdiń mańynda jarqyl baıqaǵanyn aıtqan, bul tehnıkalyq tekseriste eskeriledi.
Aqaýdy joıý úshin kompanıanyń tehnıkalyq toby Qostanaıǵa jiberildi. Jolaýshylarǵa qonaqúı, bılet qunyn tolyq qaıtarý nemese basqa reısterge aýystyrý sıaqty barlyq qajet qoldaý usynyldy. QazaqAir jolaýshylar men ekıpaj qaýipsizdigi basymdyq ekenin, barlyq áreket halyqaralyq ushý qaýipsizdigi standarttaryna saı atqarylatynyn atap ótti.
Keıin Kólik mınıstrligi bul oqıǵa boıynsha komısıa qurylyp, tergeý júrgiziletinin habarlady.
Ushqyshtardyń kompanıaǵa úndeýi
Kólik mınıstrligi áýe kompanıasynan ushqyshtar tobynyń úndeýin qoldanystaǵy zańnamaǵa sáıkes qaraýdy talap etti.
"Úndeýde negizgi talaptar retinde: túngi reısterge tólem tásilderin qaıta qaraý; áýe kemesi komandırleriniń jalaqysyn kóterý; ekinshi ushqyshtardyń jalaqysyn arttyrý; barlyq ushqysh tólenetin aqy mólsherin kóbeıtý", - delingen habarlamada.
Aqparat úshin: Qazaq Air áýe kompanıasynyń 49 paıyzy Sovico tobyna, taǵy 49 paıyzy Samuryq Qazynaǵa, al 2 paıyzy Kazasia Holding Limited kompanıasyna tıesili.