Bul Joldaý – Qazaqstandy jańa beleske bastaıtyn mańyzdy qadam. Jasandy ıntellekt pen sıfrlyq tehnologıalardy barlyq salaǵa engizý – memlekettiń bolashaqta tabysty damýynyń kepili. Ol halyqtyń turmys sapasyn arttyryp, memlekettik basqarýdy ashyq ári tıimdi etedi. Ekonomıka ártaraptanyp, ınovasıalyq sektor kúsheıedi, aýyl sharýashylyǵy jańa deńgeıge kóteriledi, ekologıalyq qaýipsizdik nyǵaıady.
Prezıdent Joldaýynda eń aldymen bilim berý salasyna erekshe nazar aýdaryldy. Jasandy ıntellektti engizý arqyly ár oqýshyǵa jeke oqý baǵdarlamasy jasalyp, muǵalimderdiń jumysy jeńildetiledi. Ǵylymda úlken derekterdi taldaý jáne jańa bilimderdi jedel óndirý múmkindigi artady.
Infraqurylym men kólik salasynda aqyldy trafık júıeleri engizilip, jol qozǵalysynyń qaýipsizdigi jaqsarady. Optıkalyq-talshyqty baılanys jelileri aýyldyq jerlerge deıin jetip, óńirler arasyndaǵy sıfrlyq alshaqtyq azaıady.
Qurylys salasynda aqparattyq modeldeý tehnologıalaryn paıdalaný arqyly nysandardyń sapasy artady, shyǵyndar ashyq bolady, jemqorlyq táýekeli tómendeıdi.
Endigi basty mindet – osy bastamalardy naqty iske asyryp, kadrlyq áleýetti kúsheıtý. Memlekettik basqarý akademıasy bul baǵytta kásibı bilim berýdi, tájirıbelik daǵdylardy damytýǵa daıyn. Jańa dáýirdiń múmkindikterin tıimdi paıdalana alsaq, Qazaqstan jahandyq deńgeıdegi tehnologıalyq kóshbasshylardyń qataryna qosylaryna senimdimiz.