Almatynyń Naýryzbaı aýdanynda aryq júıesin damytý jumystary jalǵasýda. Qazirgi ýaqytta aýdannyń 348 kóshesiniń 105-inde aryq bar, olardyń jalpy uzyndyǵy 108 shaqyrym. Bul týraly Naýryzbaı aýdanynyń ákimdigi habarlady.
Qarqyndy ósip kele jatqan turǵyn aımaqtardy eskere otyryp, 2026 jyly 31 shildege deıin Ekologıa jáne qorshaǵan orta basqarmasymen birlesip, 20 kóshege jańa aryqtar salý jáne aryq arnalarynan ótetin 12 jaıaý júrginshi men kólik ótkelin qaıta jańǵyrtý josparlanǵan. Bul jumystar sý tasqyny qaýpin azaıtyp, jol jabyndysyn saqtaýǵa, turǵyndar úshin qaýipsiz ári jaıly jaǵdaı jasaýǵa múmkindik beredi.
«Aýdanymyz qarqyndy damyp keledi. Aryq júıesin jetildirý – ár turǵynnyń jaılylyǵy men qaýipsizdigine qosylǵan úles», – deıdi aýdan ákimdiginiń ókilderi.
Turǵyndar da ózgeristi qoldap otyr.
«Jańa aryqtar salynsa, sý tez aǵyp ketedi, kósheler taza bolady, aýlalarǵa sý jınalmaıdy. Bul ásirese, jańbyrly maýsymda óte mańyzdy», – dedi «Qalqaman» shaǵynaýdanynyń turǵyny Aıman.
Aýdannyń negizgi bóligin qamtıtyn jumystar qazir «Qalqaman» shaǵynaýdanynda qolǵa alynǵan.
Jańa aryq salynatyn kósheler:
1. Ahanov kóshesi – 769,8 m
2. Nurmuhamedov kóshesi – 566,7 m
3. Tájibaev kóshesi – 688 m
4. Nadyrov kóshesi – 404,3 m
5. Begaıyl kóshesi – 421,1 m
6. Aıymbetov kóshesi – 723,3 m
7. Rymjanov kóshesi – 660,2 m
8. Slanov kóshesi – 572,6 m
9. Nurshaıyqov kóshesi – 837,9 m
10. Qyran kóshesi – 605,7 m
11. Dıhan kóshesi – 398,4 m
12. Arman kóshesi – 1126,1 m
13. Aıbolıt kóshesi – 940,5 m
14. Hrıshatyı kóshesi – 575,1 m
15. Bektembaı kóshesi – 570,5 m
16. Ákimshilik keshen aýmaǵy – 841,8 m
17. Qydyrbekov kóshesi – 869,9 m
18. «Qalqaman-2» kóshesi – 311,1 m
19. Berel kóshesi (Kelimbetov kóshesinen bastap) – 1124,5 m
20. Saǵdıev kóshesi – 612,3 m
Qaıta jańǵyrtýdan ótetin aýmaqtar:
1. Qundyzdy k-si, 20/2 – 35 m
2. Groza – Jandosov kósheleri qıylysy – 20 m
3. Rysqulov k-si, 86–86a – 20 m
4. Aıtmatov kóshesi – 60 m
5. Balbyraýyn kóshesi – 30 m
6. Groza – Jiger kósheleri qıylysy – 10 m
7. Báıteli batyr kóshesi – 200 m
8. Quralaı kóshesi, 1 – 50 m
9. Jalyn kóshesi, 1b – 250 m
10. «Taý Samuryq» SO, 2-ýchaske – 250 m