Abaı ýnıversıteti oqytýshylary «Almatykitap» baspasynyń oqýlyqtaryn sıfrlandyrýda.
Memleket basshysy Q.Toqaevtyń 28 qyrkúıektegi Reformalar jónindegi otyrysynda balalardyń oqýlyqqa toly sómkeleri densaýlyqqa zıan keltiretini jaıly aıtylǵan bolatyn. Oqý-aǵartý mınıstri A.Aımaǵanbetov máselelerdi sheshýge baǵyttalǵan mindetterdi baıandap, sıfrlyq oqýlyqqa kezeń-kezeńmen kóshý júrgiziletindigin aıtty. Osy oraıda, «Almatykitap baspasy «TopIQ.kz» tuńǵysh otandyq elektrondyq oqýlyqtar platformasyn usynyp otyr, dep habarlaıdy Almaty-akshamy.kz
Abaı atyndaǵy Qazaq ulttyq pedagogıkalyq ýnıversıteti, Informatıka jáne bilimdi aqparattandyrý kafedrasynyń oqytýshylary Turashova Sh.P. jáne Naýryzbaev D.B. «Almatykitap» baspasynyń Sıfrlandyrý bóliminde oqýlyqtardy sıfrlandyrý boıynsha frılanser qyzmetin atqarýda.
Búgingi kúni sıfrlandyrýshy oqytýshylarymyz shamamen 20-dan astam oqýlyqtardy sıfrlandyrý úderisine qatysty. Atap aıtqanda, «Informatıka» (5-6-synyp), «Sıfrlyq saýattylyq» (4-synyp), «Fızıka» (7-synyp), «Matematıka» (6-synyp), «Geometrıa» (7-synyp), «Jaratylystaný» (3 synyp), jáne t.b. jalpy bilim berý mektepterine arnalǵan baspa oqýlyqtarynyń sıfrlyq nusqasyn jasaýda «Almatykitap baspasynyń» Sıfrlyq kontent departamentiń qyzmetkerleri jáne oqýlyqtardyń avtorlarymen birlese otyryp jumys jasaýda. Oqýlyqtar https://topiq.kz/ru platformasyna qazaq, orys, aǵylshyn tilderinde júktelgen.
Qazirgi tańda oqýshylar men muǵalimder platformada ornalasqan elektrondyq oqýlyqtardy, oqýlyqtaǵy ınteraktıvti tapsyrmalardy sabaq ýaqytynda qoldanyp, onyń tıimdiligi men zaman suranysyna saı ázirlengenin atap ótýde.
Abaı ýnıversıteti men «Almatykitap» baspasy arasyndaǵy bilim salasyn sıfrlandyrý boıynsha jumystar ári qaraıda jalǵasyn tabady jáne nátıjeli bolady dep senemiz.
