Búkil saılaýshylar belsendilik tanytty.
Bas hatshynyń aıtýynsha, 17-20 qarasha aralyǵynda SHYU mısıasy Qazaqstan Respýblıkasynyń shaqyrýymen kezekten tys Prezıdent saılaýyna baıqaý mısssıasyn atqarǵan. Quramyna 18 baıqaýshy kirgen delegasıaǵa 7 memlekettiń ókilderi, SHOS-tyń hatshylyq ókilderi, óńirlik qurylymdarynyń ókilderi kirgen, dep habarlaıdy Almaty-akshamy.kz.
«SHOS ókilderiniń baıqaýy Astana qalasy men Aqmola oblysynyń aýmaǵynda 22 ýchaskeni qamtydy. Mısıa músheleri búlletender daıyndaý, daýys berý jáshikterin plombalaý prosesterine qatysty. Sondaı-aq, saılaý komısıalarynyń múshelerimen, saılaýshylarmen, áleýmettik baıqaýshylarmen keń aýqymda ashyq suhbat qurdyq. Osy proses kezinde saılaý ótkizýge daıyndyq tártippen, jaqsy uıymdastyrylǵanyn tirkedik. Bári qalypty jaǵdaıda, tártipke saı ótti. Ekinshiden, búkil saılaýshylar úlken belsendilik tanytty», - dedi Chjan Mın.
Onyń sózine qaraǵanda, daýys berý prosedýrasyn iske asyrýǵa arnalǵan búkil jaǵdaı jasalǵan.
«Egde jastaǵy azamattar men múmkindigi bar jandarǵa arnaıy jaǵdaı jasaldy. Saılaý komısıalarynyń ókilderi daýys berýshiler qoıǵan suraqtarǵa óte tolyqqandy jaýap berip jatty. Sondaı-aq, baıqaýshylar tarapynan suraqtarǵa túsinikteme berdi. Men búkil saılaý ýchaskesine kirgen kezde óz qujatymdy kórsetýge týra kelgenin atap ótýim kerek», - degen SHYU bas hatshysy saılaý ýchaskelerinde baıqaý júrgizý kezinde birde-bir kedergige tap kelmegenin erekshe atady.
SHYU bas hatshysy Qazaqstan tarapy saılaý prosesine baqylaý júrgizýge qajetti búkil jaǵdaıdy jasaǵanyn atap ótti.