Qasym-Jomart Toqaevtyń atyna QHR Tóraǵasy Sı Szınpınniń quttyqtaý jedelhaty kelip tústi
Qazaqstan Respýblıkasynyń Prezıdenti laýazymyna qaıta saılanýyna baılanysty Qasym-Jomart Toqaevtyń atyna Qytaı Halyq Respýblıkasynyń Tóraǵasy Sı Szınpınniń quttyqtaý jedelhaty kelip tústi, dep habarlaıdy Almaty-akshamy.kz Aqordanyń resmı saıtyna silteme jasap.
«Saılaýdaǵy aıqyn jeńisińiz Qazaqstan halqynyń Sizge degen senimin jáne Ózińizdi tolyq qoldaıtynyn bildiredi. Sizdiń biregeı basshylyǵyńyzben elińizdi reformalaýǵa baǵyttalǵan barlyq bastamańyz tabysty bolatynyna jáne Jańa Qazaqstandy qurý isi ilgerileıtinine senimdimin. Qytaı men Qazaqstan arasyndaǵy yntymaqtastyqty damytýǵa erekshe mán beremin jáne dıplomatıalyq qatynastardyń ornaǵanyna 30 jyl tolǵan ýaqytta sizdermen birge máńgi ári jan-jaqty strategıalyq seriktestiktiń jańa kezeńine qadam basýǵa daıynmyn», – dep jazylǵan jedelhatta.