Ol jansaqtaý bóliminde jatyr.
Aýrý juqtyrǵan úsh adamnyń bireýi reanımasıada, ekeýiniń jaǵdaıy ortasha, dep habarlaıdy Almaty-akshamy.kz Qaraǵandy oblystyq densaýlyq saqtaý basqarmasynyń baspasóz hatshysy Aınur Ábdıevanyń sózine silteme jasap.
Budan buryn Topar kentinde sibir jarasynyń oshaǵy anyqtalǵanyn habarlaǵanbyz.
Kentke Abaı qalasynan kire beriste kólikterdi sanıtarlyq óńdeýden ótkizý úshin beket ornatyldy. Karantındik sharalardy saqtaý úshin Jartas kentinen Topar kentine ekinshi kireberis ýaqytsha jabyldy.Turǵyndardyń qozǵalysyna shekteý qoıylǵan joq. Sondaı-aq kentten mal áketýge jáne ákelýge, ony sharýashylyqtar ishinde saýdalaýǵa, aýrý maldyń sútin paıdalanýǵa, mal soıýǵa jáne sol aýmaqtan jem men jemshóp qospalaryn paıdalanýǵa tyıym salyndy.
Jaǵdaı ýákiletti qyzmetterdiń tolyq baqylaýynda. Oqıǵa ornynda sanıtarlyq-epıdemıologıalyq baqylaý, densaýlyq saqtaý, veterınarıalyq baqylaý komıtetiniń aýmaqtyq ınspeksıasy men veterınarıa basqarmasynyń, respýblıkalyq epızootıaǵa qarsy toptyń bir top qyzmetkerleri jumys isteýde.