Aqtóbede kólikti mas bolyp júrgizgen eks-depýtatqa sot úkimi shyqty.
Bul týraly qalalyq ákimshilik quqyqbuzýshylyq ister jónindegi mamandandyrylǵan aýdanaralyq sotynyń baspasóz qyzmeti málimdedi, dep habarlaıdy Almaty-akshamy.kz.
Oqıǵa 5 qazanda bolǵan. Aqtóbe qalasynda Baısheva kóshesinde Lexus kóligin júrgizgen 53 jastaǵy áıeldiń jeńil masań halde bolǵany anyqtalǵan edi.
«Ákimshilik quqyqbuzýshylyq týraly kodekstiń 608 baby 1-bóligi («Júrgizýshiniń kólik quralyn alkogóldik, esirtkilik jáne (nemese) ýytqumarlyq masań kúıde basqarýy, sol sıaqty kólik quralyn alkogóldik, esirtkilik jáne (nemese) ýytqumarlyq masań kúıdegi adamnyń basqarýyna berý») boıynsha is qozǵaldy. Sot úkimimen aıyptalýshy 15 táýlikke qamaýǵa alynyp, 7 jylǵa júrgizýshi kýáliginen aıyryldy», - delingen resmı habarlamada.
Sot úkimi áli zańdy kúshine engen joq.
Eks-depýtat máslıhattyń áleýmettik-mádenı damý jáne jastar jónindegi turaqty komısıasynyń múshesi bolǵan. Sondaı-aq ol fıtnes ortalyqty basqarǵan. Janjaldan keıin ol depýtattyq ókilettigin toqtatatyny týraly málimdeme jasady.
Esterińizge sala keteıik, buǵan deıin Aqtóbe qalalyq máslıhatynyń depýtaty Sánıa Muratova sottyń sheshimimen alty aı merzimge kólik júrgizý quqyǵynan aıyrylǵanyn habarlaǵan bolatynbyz.