Jalpyqytaılyq halyq ókilderi jıynynyń (JHÓJ, parlament) depýtattary Sı Szınpındi úshinshi bes jyl merzimge QHR tóraǵasy qyzmetine saılady. Bul týraly juma kúni «Sınhýa» agenttigi málimdedi,-dep habarlaıdy Almaty-akshamy.kz QazAqparatqa silteme jasap.
JHÓJ depýtattary daýys berý kezinde biraýyzdan Sı Szınpındi qoldady.
Sondaı-aq Sı Szınpın QHR Ortalyq áskerı keńesiniń tóraǵasy qyzmetine de qaıta saılandy.
Qytaı komýnıstik partıasy Ortalyq komıtetiniń Saıası búrosy Turaqty komıtetiniń múshesi Chjao Leszı Jalpyqytaılyq halyq ókilderi jıyny Turaqty komıteti – eldiń joǵarǵy zańnamalyq organynyń tóraǵasy qyzmetine saılandy.
Sonymen qatar JHÓJ depýtattary Han Chjendi QHR tóraǵasynyń orynbasary laýazymyna saılady.
Daýys berý 14-shaqyrylym JHÓJ birinshi sesıasynyń úshinshi plenarlyq otyrysy kezinde ótti.
2023 jyldyń 5-13 naýryzy aralyǵynda Beıjińde jyl saıynǵy JHÓJ sesıasy ótip jatyr.