Bul byltyrǵymen salystyrǵanda 289 mlrd teńgege artyq.
Bıylǵy qańtarda memlekettik búdjet boıynsha kirister 1 733 mlrd teńge boldy, dep habarlaıdy Almaty-akshamy.kz Ulttyq ekonomıka mınıstrligine silteme jasap.
Kiristerdiń ósýi salyq túsimderiniń oń dınamıkasymen qamtamasyz etildi (+348,2 mlrd teńge). Osy tusta transfertter túsimderi 67 mlrd teńgege nemese 22,2%-ǵa azaıǵan.
"2023 jylǵy qańtarda salyq túsimderiniń qurylymynda eń úlken ósim kórsetildi:
Qosymsha qun salyǵy – 111,7 mlrd teńgege ósim (59,9%);
Korporatıvtik tabys salyǵy – 131,3 mlrd teńgege ósim (26%);
Jeke tabys salyǵy – 27,2 mlrd teńgege ósim (24,4%);
Shıki munaıǵa áketiletin kedendik bajdar – 1,7 mlrd. teńgege ósim (1,2%)", - delingen habarlamada.
Mınıstrliktiń málimetinshe, 2023 jyldyń qańtar aıynyń qorytyndysy boıynsha memlekettik búdjet balansy 122,5 mlrd teńge profısıtpen qalyptasty. Oǵan qaramastan ótken jyldyń sáıkes kezeńine qaraǵanda profısıt nomınaldy mánde 77,3 mlrd. teńgege nemese 38,7 paıyzǵa azaıdy.