«Astana – kógaldandyrý qurylysy» JSHS bas dırektoryna 185 mıllıon teńge mólsherinde aıyppul salyndy. Bul jóninde Zakon.kz basylymyna Sybaılas jemqorlyqqa qarsy is-qımyl agenttigi habarlady.
Agenttik usynǵan málimet boıynsha, Astana qalasy Baıqońyr aýdanynyń № 2 sotynda «Astana – kógaldandyrý qurylysy» JSHS Bas dırektory A. Naýryzálige qatysty 9 mıllıon teńge alý faktisi boıynsha isti qaraý aıaqtaldy.
Taraǵan aqparatqa súıensek, parany «Tabıǵat-Servıs NS» JSHS dırektorynyń orynbasary S.Karlova jasyl ekpelerdi kútip ustaý boıynsha artyqshylyq berýi jáne oryndalǵan jumystar aktilerine kedergisiz qol qoıýy úshin bergen.
«3 naýryzyndaǵy sot úkimimen Naýryzáli para alǵany úshin kináli dep tanyldy jáne oǵan memlekettik mekemelerde qyzmet atqarý quqyǵynan aıyra otyryp, paranyń jıyrma eselengen somasy – 185 mıllıon teńge mólsherinde aıyppul túrinde jaza taǵaıyndaldy», - dep jazylǵan Sybaılas jemqorlyqqa qarsy is-qımyl agenttiginiń baspasóz qyzmetiniń habarlamasynda.