Ózara saýda qarqyndy damýda
Qazaqstannyń SHYU elderimen taýar aınalymy nebári 7 aıda 19% ósip, 36,5 mlrd dollardy qurady, dep habarlaıdy Almaty-akshamy.kz Qazaqtv.com caıtyna silteme jasap.
Jetekshi salalardyń biri – agroónerkásip. Munda jyl saıyn aıtarlyqtaı ósý baıqalady. Tranzıttik-kóliktik áleýet te eleýli progresti kórsetip otyr.
Elimiz arqyly ótetin júk tasymaly, ótken jyldyń osy kezeńimen salystyrǵanda, jyl basynan beri 25%-ǵa artyq.
Jalpy, pandemıaǵa qaramastan, osy jyldyń 7 aıynda uıymǵa múshe memleketter arasyndaǵy taýar aınalymy 40%-ǵa ósti. SHYU elderi búginde qol jetkizgen jetistikterimen toqtap qalmaq emes.
Olar túrli saladaǵy ózara is-qımyldy odan ári tereńdetýdi josparlap otyr. Odan basqa uıym azyq-túlik qaýipsizdigi rezervin jáne azyq-túlik sektorynda ınvestısıalyq qor qurýdy josparlaýda.
«Óz tarapymyzdan SHYU elderinen azyq-túlik, básekege qabiletti aýyl sharýashylyǵy ónimderin ımporttaýǵa daıynbyz. Bul elder arasyndaǵy ózara saýda teńgerimine qol jetkizýge múmkindik beredi. Atalmysh sharalar praktıkalyq yntymaqtastyqtyń berik negizin qalaıdy», - dedi QHR Memlekettik keńesiniń Premer-Mınıstri Lı Kesán.