Otandasymyz Tokıo Olımpıadasy týraly oıymen bólisti
Erkin kúresten Tokıo Olımpıadasynyń qola júldegeri Nurıslam Sanaev «Altyn samǵaý-2021» ulttyq sporttyq júldesine úmitkerler qatarynda, dep habarlaıdy Almaty-akshamy.kz
Balýannyń aıtýynsha, úmitkerler sanatyna ený sportshylardy odan ári jigerlendire túsedi.
«Bıylǵy maýsym sportshylar úshin qarbalasqa toly boldy. Pandemıaǵa baılanysty bir jylǵa shegerilgen Tokıo Olımpıadasy uıymdastyrylyp, elimizdiń namysyn abyroımen qorǵadyq.
Árbir sportshy úshin Olımpıadadan júlde alý - úlken arman. Sol armanyma qol jetkizip, jankúıerlerdi qýantý baqyty buıyrǵanyna táýbe deımin.
Bizdiń eńbegimizdi elep-eskerip, júldege úmitkerler tizimine qosqan Ulttyq Olımpıadalyq komıtetke rahmet. Qarbalasqa toly maýsymdy joǵary notada aıaqtaýǵa múmkindik bergeni úshin alǵysym zor», - dedi ol.