Shanhaı Yntymaqtastyq Uıymynyń forýmy Chýnsınde ótýde.
Atalǵan forýmǵa offlaın jáne onlaın formatta 18 eldiń ókilderi qatysady, dep habarlaıdy Almaty-akshamy.kz.
Forým paneldik sesıalar, túrli pikirtalastar jáne ózekti máselelerdi talqylaý túrinde ótedi. Talqylaýlar ozyq tehnologıalarmen ǵana emes, SHYU elderiniń jalpy damýymen de baılanysty bolmaq.
«Meniń oıymsha, platformany neǵurlym kóp bólisetin bolsaq, soǵurlym barlyq el úshin ashyq bolady. Bul, bir jaǵynan, tájirıbeni zertteýge jaqsy. Ekinshi jaǵynan, belgili bir áreketterdi jasaý úshin kerek. Bizdiń elde bar tehnologıalar basqa memleketterde de beıimdelip, SHYU óńirleriniń sheńberinde jumys isteýi úshin qolaıly bolady», - dedi SHYU elderine arnalǵan kóp fýnksıonaldy saýda-ekonomıkalyq alańynyń bas hatshysynyń orynbasary Olım Alımov.
Chýnsındegi forýmmen qatar «Smart China Expo-2021» kórmesi uıymdastyryldy. Stendterdiń jalpy aýdany – 70 myń sharshy metr. Munda jasandy ıntellekt jáne basqa da jańa tehnologıalar salasyndaǵy jobalardy jasaýdaǵy elderdiń jetistikterin kórsetetin sandyq noý-haýdyń alýan túrin kórýge bolady. Kórmege barlyǵy 30-dan astam elden 610 halyqaralyq kompanıa tartylǵan.