Almaty qalasynyń juqpaly aýrýlar aýrýhanalarynda 6 myńnan astam naýqas jatyr, onyń ishinde 169 - bala.
Bul týraly Óńirlik komýnıkasıalar qyzmetiniń baspasóz konferensıasy barysynda qoǵamdyq densaýlyq basqarmasy basshysynyń orynbasary Svetlana Sultanǵazıeva málim etti, dep habarlaıdy Almaty-akshamy.kz.
Ótken táýlikte Almatyda 1590 jaǵdaı adam tirkeldi, olardyń 1515-i - sımptomdy tasymaldaýshylar. Barlyǵy 6,021 adam aýrýhanalarda, 476 adam jan saqtaý bóliminde emdelýde, al 35 adam ÓJJ apparatyna, 188 ınvazıvti ÓJJ apparatyna, 223 naýqas High Flow apparatyna qosylǵan. Qaladaǵy kovıdtik stasıonarlarda tósek-oryn tapshylyǵy joq; búgingi kúnge deıin barlyǵy 8 910 tósek-oryn daıyndaldy.
S.Sultanǵazıeva Almatynyń dárigerleri eki ese júktememen jumys isteıtinin atap ótti.
«Jedel járdem kóliginiń júktemesi sharyqtap tur, táýligine 1600-ge jýyq jaǵdaı tirkelip, aýrýhanaǵa jatqyzý sany 700-750 deńgeıde, ósim joǵary. Táýligine 3000-3500 deıin qońyraý shalynady. Kún saıyn 2600-2750 qońyraý soǵylady», - dedi S. Sultanǵazıeva.
Ol 12 868 naýqastyń AMSK pen Telemedısına ortalyǵynyń mobıldi toptarynyń baqylaýynda ekenin aıtty.
Búginde júzdegen dárigerler koronavırýspen kúresýde, olardyń keıbireýleri Almatydaǵy vaksınalaý ortalyqtarynda jumys isteıdi. 1000-nan astam dáriger azamattarǵa ekpe jasaıdy.
Aıta ketsek, qalada medısınalyq uıymdarda, mektepterde, mádenıet jáne sport nysandarynda, bazarlar men saýda ortalyqtarynda ornalasqan 160 vaksınalaý pýnkti bar.
Ótken táýlikte Almatyda birinshi komponentpen 3585 adam, ekinshisimen - 7 729 adam vaksınalandy. 2021 jyldyń 1 aqpanynan 24 tamyzyna deıingi barlyq kezeń boıynsha 849 542 adam birinshi komponentpen, 691 848 adam ekinshi komponentpen egildi. Egilgenderdiń jalpy sanynyń 110 236-yn 60 jastan asqan qarıalar quraıdy.
Svetlana Sultanǵazıeva almatylyqtardy kúzgi-qysqy maýsymdyq vırýstar kezeńi jaqyndaǵandyqtan, jýyq arada vaksınalanýǵa shaqyrdy.
«Endi JRVI jáne tumaý sıaqty maýsymdyq aýrýlar bastalady. Temperatýra kóterilgende jáne dert juqtyrǵan jaǵdaıda aýrý órshı túsedi. Sondyqtan qazirden bastap koronavırýsqa qarsy vaksınalaný qajet», - dedi QDB basshysynyń orynbasary.