Shymkentte qala ákiminiń orynbasary Rýslan Berdenovke jasalǵan qastandyq isi boıynsha tóraǵalyq etýshi sýdıa Ábinur Qarabaevqa qatysty tekserý taǵaıyndaldy, dep habarlaıdy Aqshamnews.kz.
Sot prosesi barysynda tóraǵalyq etýshi sýdıa Qarabaev jýrnalıske tilin kórsetken oǵash qylyǵy jaıly buǵan deıin habarlaǵan edik.
«Shymkent ákiminiń orynbasaryna jasalǵan qastandyq isin qaraý kezinde tóraǵalyq etýshi sýdıa Ábinur Qarabaevtyń áreketteri Sýdıalyq ádep kodeksin buzý turǵysynan tekseriledi», – dep jaýap berdi Shymkent sotynyń baspasóz qyzmeti Tengrinews.kz redaksıasynyń resmı saýalyna.