Kýágerlerdiń aıtýynsha, atraksıon bıiktikte 20 mınýtqa toqtap turǵan.
Shymkent saıabaǵyndaǵy «Báıterek» atraksıony buzylyp, adamdarymen birge bıiktikte turyp qaldy, dep habarlaıdy Almaty-akshamy.kz ELITAR.KZ saıtyna silteme jasap.
Oqıǵa osy demalys kúnderi bolǵan. Kýágerlerdiń aıtýynsha, atraksıon bıiktikte 20 mınýtqa toqtap turǵan.
Jergilikti turǵyn Roman basylymǵa bir top dostarymen saıabaqqa demalýǵa kelgenin aıtady.
«Biz eki jigit, tórt qyz bolyp otyrdyq. Bir kezde atraksıonnan aqaý shyqqanyn baıqadyq. Qyzdar qorqyp, aıǵaılaı bastady. Men olardy tynyshtandyrýǵa tyrystym. 20 mınýttaı joǵaryda otyryp qalyq, sodan keıin qyzmetkerler bizdi túsire bastady, biraq tolyq emes, óıtkeni qurylǵy durys jumys istemeı turdy. Biz, qala turǵyndary atraksıonǵa tehnıkalyq qyzmet kórsetýdi jáne jóndeýmen qamtamasyz etý úshin barlyǵy jabylýyn suraımyz», - dep jazdy Elitar.kz jergilikti turǵyndardyń sózin.
Roman saıabaqta dúrbeleń bastalǵanyn, adamdar óz ómirleri úshin qorqyp, úreılengenin aıtady. Ol atraksıonnyń durys jumys istemeýin adamdardy kótere bastaǵanda-aq boljaǵanyn aıtty.
«Men atraksıonnyń durys jumys istemeıtinin kóterile bastaǵanda aq sezdim. Sebebi, ol jerde eski elektr qozǵaltqyshy turdy. Olar symdardy alyp tastap, bizdi aqyryn túsirdi, biraq aqshany qaıtarǵysy kelmedi», - dedi jigit.