Ol 1000 dollar kóleminde syıaqy enshiledi.
Almatylyq oqýshy Saǵyn Jumadildaev AQSH-tyń Dallas qalasynda ótken álemdegi eń bedeldi ǵylymı jobalar baıqaýynyń biri – International Science and Engineering Fair-dan júldeli ekinshi orynmen oraldy, dep habarlaıdy Almaty-akshamy.kz QazAqparatqa silteme jasap.
Ol «Matematıka» seksıasy boıynsha «L-tromıno-plıtkalary» jobasyn usyndy, sondaı-aq 1000 dollar kóleminde syıaqy enshiledi.
«Bir jyl buryn olımpıadada L-tromıno fıgýrasynyń kómegimen plıtkalardy janastyrý boıynsha tapsyrma oryndadym. Osy taqyrypqa qyzyǵýshylyq týyndap, ony joba retinde jasaýdy qolǵa aldym. Áli dáleldenbegen teoremalar bar, sony sheshý arqyly kelesi jyly da ISEF-ke qatysý josparda tur», – deıdi jas matematık.
Sonymen qatar baıqaýǵa Kókshetaýdaǵy Zıatkerlik mekteptiń oqýshysy Asylhan Qalı de qatysyp, «Aq Zhol» jobasyn tanystyrdy. Bul –júrgizýshiniń hali men minez-qulqyn baqylaýǵa múmkindik beretin beınetirkegish jáne jol-kólik oqıǵalarynynyń sanyn azaıtýǵa baǵyttalǵan.
«Qazaqstannyń týyn álemdik arenda kóterip, elimizdiń atynan óner kórsetý – biz úshin úlken mártebe. Bolashaqta odan da jaqsy nátıjege jetýde bar kúsh-jigerimizdi salamyz», – dep Asylhan óz áserimen bólisti.
Aıta keteıik, International Science and Engineering Fair – 13 pen 18 jas aralyǵyndaǵy jasóspirimderge arnalǵan STEM jobalardyń dúnıejúzilik baıqaýy. Halyqaralyq shara jyl saıyn ótedi jáne álemniń 100 elinen kelgen 2000 oqýshynyń arasynan úzdikterdi anyqtaıdy.