Aýmaǵy myń sharshy metrge jýyq turǵyn úıdiń shatyry órtenip jatyr.
Qaraǵandyda bes qabatty turǵyn úı órtenip jatyr. Órt shamamen 900 sharshy aýdandy qamtydy. Qutqarýshylar 15 adamdy evakýasıalady, dep habarlaıdy Almaty-akshamy.kz Qaraǵandy qalalyq TJD silteme jasap.
Órt týraly habarlama dıspecherlik púltke búgin saǵat 14:59-da tústi. Turǵyndar A.Bókeıhanov aýdanyndaǵy 11-shi oramda 5 qabatty turǵyn úıde órt shyqqanyn habarlady.
«5 qabatty turǵyn úıde ashyq jalynmen shatyr torlary janyp jatyr. Ot sharpyǵan alań shamamen 900 sharshy metrdi alyp ketti. TJD kúshterimen 15 adam evakýasıalandy. Órtti sóndirýge TJD bólimsheleri jumyldyryldy», - dep habarlady baspasóz qyzmeti.
Oqıǵa ornynda oblys jáne qala ákimderi bar.
Óńir basshysy Ermaǵanbet Bólekpaev qala ákimine turǵyndardy ýaqytsha mekenge ornalastyrýdy tapsyrdy. Shtab uıymdastyryldy.
«Qazir negizgi mindet - órtti sóndirýge, sebepterin anyqtaýǵa, adamdardy qaýipsiz jerge kóshirýǵa kúsh salý», - dedi oblys ákimi.