Osy senbi, 19 shilde kúni taý shańǵy kýrorty "Shymbulaq" Almaty turǵyndary men qonaqtaryn ECO DAY — turaqty damý jolyndaǵy úlken sharalar leginiń bastamasy bolatyn ekologıalyq bastamalar kúnine shaqyrady.
İs-sharanyń basty maqsaty taýdy qoqystan tazartý ǵana emes, árbir azamattyń tabıǵatty qorǵaýǵa qalaı úles qosa alatynyn kórsetý.
Tańǵy jalpyqalalyq senbilikten keıin "Shymbulaq" bazalyq stansıasynan qaza tapqan álpınıser memorıalyna deıin qatysýshylardy mazmundy baǵdarlama kútedi: jergilikti brendterdiń ekologıalyq ónimder jármeńkesi, plasıkti suryptaý men qaıta óńdeý boıynsha túrli sheberlik saǵattary uıymdastyrylady.
Atap aıtqanda, Recycle Birge uıymy qaldyqtardy durys suryptaý jáne qandaı qaldyqtardy is júzinde qaıta óńdeýge bolatynyn úıretedi, al HelloEco bir rettik zattardy kúndelikti ómirde kóp rettik balamalarǵa qalaı aýystyrýǵa bolatyny jóninde tájirıbesin bólisedi. Jármeńkede "nól qaldyq" qaǵıdatyna negizdelgen dúken ónimderi, qaıta óńdelgen shynydan jasalǵan buıymdar, İle Alataýynyń ósimdikterinen jasalǵan botanıkalyq pannolar, otandyq ekologıalyq turmystyq ónimder jáne ózge de taýarlar usynylady.
"EcoDay aıasynda biz tek qaıta óńdeý men sanaly tutyný týraly aıtyp qana qoımaımyz, ony óz qolymyzben qalaı júzege asyrýǵa bolatynyn is júzinde kórsetemiz. Qatysýshylar belsendi atsalysyp, suraq qoıyp, oı bólisedi. Dál osyndaı qadamdar adamdardy turaqty ómir saltyna jeteleıdi", — deıdi Recycle Birge qozǵalysynyń teń quryltaıshysy Pákızat Saılaýbekova.
Sol kúni jınalǵan plasık pen ózge de qaıta óńdeletin qaldyqtar Recycle Birge uıymyna jóneltiledi. Al qysta sol qaldyqtan jasalǵan taý shańǵysy men snoýbordqa arnalǵan tireýishter jurt nazaryna usynylyp, tuıyq sıkldiń naqty úlgisi kórsetiledi.
Igi bastamanyń seriktesteri: İle-Alataý ulttyq tabıǵı parki, "Medeý" óńirlik tabıǵı parki KMM, Almaty álpınızm federasıasy, WildNature Volunteers eriktileri, Recycle Birge jáne HelloEco ekologıalyq qaýymdastyqtary. İs-shara Almaty qalasy ákimdigi janyndaǵy jobalyq keńseniń qoldaýymen ótedi.
Qatysýshylardy jınaý "Medeý" bazalyq stansıasynda saǵat 8:30-da bastalady.
Qosymsha aqparat: Nazerke Rzashova, PR-menedjer — +7 706 420 9516