QMA Shyǵys Qazaqstan oblysy boıynsha departamenti Ulan aýdany Shybyndy ózeni ańǵarynda qymbat metaldardy zańsyz óndirý jáne jer qoınaýyn óz betinshe paıdalaný deregi boıynsha tergep-tekserý jumystaryn júrgizip jatyr, - dep habarlaıdy aqshamnews.kz tilshisi.
Oqıǵanyń mán-jaıy
Tergeý barysynda "Azamattarǵa arnalǵan úkimet" KEAQ dırektorynyń orynbasarlarynyń biri basqa adamdarmen birge áreket ete otyryp, ken ornyn zańsyz ıgerýdi uıymdastyrǵany anyqtaldy. Osy maqsatta olar óz baqylaýyndaǵy "EastGoldStone" JSHS-in tirkep paıdalanǵan.
Buǵan deıin altyn óndirý jumystary eki jyl boıy tıisti lısenzıasyz, aýyr arnaıy tehnıkany qoldanyp, ózenniń tabıǵı arnasyna aralasý arqyly júrgizilgen.
Atqarylǵan zańsyz áreketterdiń nátıjesinde qorshaǵan ortaǵa keltirilgen zalal 300 mln teńgeden asty.
Tintý barysynda jalpy quny 382 mln teńge bolatyn 6,7 kg altyn, 10 mln teńge jáne 56 myń AQSH dollary mólsherinde qolma-qol aqsha tárkilendi. Bul qarajatqa sot sanksıasymen buǵattaý qoıyldy.
Kúdiktiler 2 aı merzimge qamaýǵa alyndy.
Tergeý amaldary jalǵasyp jatyr. QPK-niń 201-babyna sáıkes ózge aqparat jarıa etilmeıdi.